Den weekend cu ta tras di lomba, a tuma luga nos acostumbrado Copa Betico Croes den nos clubhuis na Nieuwstraat 11, Oranjestad.
E torneo aki a wordo hunga den 3 categoria.
Un categoría U-12, unda muchanan bow di 12 aña so por participa. Akiden a participa un total di 15 mucha.
Campeon absoluto a bira Patrick de Roo. Patrick a score 7 punto for di 7 partido.
Den boys a sali na di 2 luga Kian Ng. Kian a score 4 ½ punto for di 7.
Na tercer luga den Boys a termina Gillian Croes. Gillian a score 4 punto.
Den Girls under 12 years, a termina na promer luga Sylvi Cabral.
Sylvi a score 5 punto for di 7 partido. El a termina den algemeen klassement na di 2 luga, tras di Patrick. Na segundo luga nos ta haya Mary-Jane Bueno cu 4 punto y tercer lugar Giandra Croes cu 3 ½ punto. Best under 10 years a bay pa Santiago Rodrigues. Santiago tin 7 aña di edad. Y Best under 8 years a bay pa Bryce Lockhart. Bryce tambe tin 7 aña di edad.
Den categoría U-18, a participa un total di 13 hungador.
Na prome luga tawata tin un empate entre Thamara Sagastegui y John A. Tromp.
Ambos a termina cu 4 punto for di 5 partida.
Thamara tawata tin contrincantenan mas duro y a keda na prome luga.
Na tercer luga a termina Aimara Ballestero. Best player under 16 years a bay pa Lesley Cielo. Y best player under 14 years a bay pa Samuel Velasquez.
Den categoria Open, a participa un total di 9 hungado.
Na promer lugar a termina Brian Diaz. Brian a score 4 punto for di 5.
Na di 2 lugar tawata tin un empate entre Ilya Stetsenko y Ayden Dirks. Ambos a score 3 ½ punto. Ilya a keda na segundo luga door cu e tawata tin contrincantenan mas fuerte.