Diadomingo dia 11 di December a tuma luga den Centro di Bario Tanki Leendert, e campeonato hubenil di dam pa aña 2022.
E campeonato aki a wordo hunga den 2 categoria. Un categoria U14 unda muchanan te cu 13 aña por a participa y un categoria U-20 pa nos hobennan te cu 19 aña.
Den U14 a inscribi 8 hungado, mientras den U20 tawata 4 inscripcion.
Ganado di U14 a bira Henry Lacle. Henry a gana 4 partida y a perde 1.
Na segundo luga tawata tin un empate cu 7 punto entre Gian y Shaun Emerenciana. Nan tur dos tin 1 wega empata, 1 perdi y 3 gana.
Gian a haña contrincante mas duro y a keda na segundo lugar y Shaun na tercer lugar.
Den U20, Obi Tromp a termina na prome cu lugar cu 6 punto.
E la gana tur 3 partida hunga.
Na segundo lugar a termina Dawinsky Dieujuste cu 4 punto. E tercer lugar den U20 a bai pa Wei Ben Chen cu 2 punto.
E ganadornan den cada categoria a ricibi un makuto di pasco. Esaki a bai pues pa Henry Lacly y Obi Tromp.
Un tercer basket a wordo rifa entre e hungadornan cu no a gana un basket.
Esaki a bai pa Wei Ben Chen.
E torneo aki, a wordo subsidia door di SSA y Lotto pa Deporte.