Durante e fin di siman di 25-27 di mei 2018 Centro di Bario Tanki Leendert den cooperacion cu Stichting Maneho Social Aruba a organisa un tremendo evento cu e meta pa recauda fondo pa asina cuminsa haci trabao nan di mantencion na e dicho centro di bario. E evento a consisti di varios parti di cual a cuminsa cu un happy hour riba e diabierna cu presentacion musical di Roots IRiddim y Mystical Connection cu a bay den un ambiente sumamente ameno. E mesun dia aki tambe a inicia cu e colecta a traves di bison nan riba caya. Diasabra tabata tin colecta un bes mas na varios parti di nos isla y diadomingo tabata e dia di e gran evento familiar na centro di Bario Tanki Leendert.
E dia aki a cuminsa cu un koffiemorgen sigui pa un evento musical cu varios banda nan cu a participa na esaki. Como atraccion principal tabata tin e DUNK TANK cayente cu
diferente celebridadnan local cu a haci uzo pa asina invita nan fanatico, famia y conocinan pa por a coopera pa e causa. Organisado nan kier a gradici e celebridadnan cu a coopera:
Paul Schouten , Giovanny Trim, Ginger Thielman, Licielle Hoek, Tyson Croes, Jonathan Croes, Chiara Petrochi, Gregory Milliard, Lindy Croes, Mc Oz, Nixander Lambrinos, Bryan Dirks, Rocco Franken, Ricardo Illigde y Sr. Edgar Mendieta.
Na final di e anochi a cera e conteo di e suma ricibi di e colecta riba caya y tambe e otro
donacion nan. E suma recauda cu lo ser inverti na mes momento den e centro di bario ta AWG. 13957.37,-. Directiva di Centro di Bario Tanki Leendert conhuntamente cu Stichting Maneho Social Aruba kier a gradici un y tur cu a coopera y haci nan donacion, na tur e compania nan cu a yuda cu cuminda pa boluntario ; Subway, Dominos pizza, Urataka Center, Welcome Back Snack, danki na WEMA cu a yuda cu e buzonnan, na tur e club nan social cu a yuda cu e colecta; Grupo Scout Ora Ubao, Kiwanis Builders Club San Antonio, Kiwanis Circle K EPI, Kiwanis Builder Club Mon Plaisir College Mavo y un danki special na United Bikers Aruba.
Danki na AVIS carrental, Speed Carrental cu a juda cu e transporte di e boluntarionan, Party Express cu a yuda cu stoel y mesa, na Piedra Plat Entertainment Center cu a juda nos cu e Dino Jump y e Dunk Tank.
Y tambe na tur esunnan cu di un forma of otro a juda e evento aki. Den e proximo simannan Centro di Bario Tanki Leendert y Stichting Maneho Social Aruba lo informa di e trabaonan cu ta bay cuminsa na e Centro di Bario.