Diaranson día 8 di Februari a tuma lugar e promer actividad di dam den anja 2023.
Esaki tawata un simultaan duna door di nos campeón di dam di anja pasa Ricky Nisbet.
Ricky a enfrenta 6 hungador cu a presenta e anochi ey.
Ricky a gana 1 wega, y perde 5. Un score di 16.7 porciento.
Participantenan tawata Mario Jansen, Octavio Croes, Daniel Diaz, Henry Knepa, Rolin Croes y Hector Winterdal.
Díaranson awor dia 15 di Februari, club di dam Arowak ta start cu su campeonato anual cu ta Campeonato Nacional 2023 pa saka e campeón di dam pa anja 2023.
Pa participa, mester ta registra na censo di Aruba pa por lo menos 1 anja.
Formato di wega lo ta Round Robin, unda tur hungador lo topa otro un biaha. Duración lo ta 1 ora pa banda cu un incremento di 1 minuut después di cada hugada. Nos ta start pa 7:00pm exacto den nos clubhuis na Sunplaza 401L, Oranjestad. Weganan lo termina rond di 10:00 di anochi. Solamente 1 wega ta wordo hunga pa nochi.
Pa mas información, por tuma contacto cu Mario Jansen (cel. 699-8245) of Ricardo Wever (592-6391) of Octavio Croes (594-5590), of Rolin Croes (593-6817)