Diaranson día 26 di Januari a tuma lugar e promer actividad di dam den anja 2022. Esaki tawata un simultaan duna door di e nos campeón di dam di anja pasa Annelaine Jacobs. Annelaine a enfrenta 9 hungador cu a presenta e anochi ey. Annelaine a logra di gana 5 wega, tabla 2 y perde 2. Un score di 66.7 porciento. Díaranson awor dia 2 di Februari, club di dam Arowak ta start cu su campeonato anual cu ta Campeonato Abierto 2022 pa saka e campeón di dam pa anja 2022. Formato di wega lo ta Round Robin, unda tur hungador lo topa otro un biaha. Duración lo ta 1 ora pa banda cu un incremento di 30 seconde después di cada hugada. Nos ta start pa 7:00pm exacto den nos clubhuis na Nieuwstraat 11, Oranjestad. Weganan lo termina rond di 9:00 pa 10:00 di anochi.
Pa mas información, por tuma contacto cu Mario Jansen (cel. 699-8245) of Ricardo Wever (592-6391) of Octavio Croes (594-5590).