CARACAS, Venezuela- E pais Suramericano ta preparando pa e celebracion di eleccionnan presidencial. E eleccionnan aki ta marca pa e desconfiansa di e aliansa opositor cu a dicidi di no participa, cual por bisa, a laga e caminda casi liber na e presidente Nicolas Maduro pa wordo reeligi y goberna te cu 2025.
E principal estudionan di e pais ta sugeri cu mañan al menos e mita di e poblacion lo no participa den e proceso. Esey kiermen cu esun cu resulta eligi, según e calculonan mas faborecedor, lo tin e respaldo di un cuarto di e poblacion.
Ironicamente, e eleccionnan cu ta wordo celebra diadomingo na Venezuela, tabata e grito di e opositornan dos aña pasa, ora cu nan tabata promove formalmente y cu protestanan cayehero e celebracion delanta di e presidencialnan. Despues di e recoge miyones di apoyo di votantenan autoridadnan a nenga esaki y a considera esaki “improcedente”.
Dos aña despues di e iniciativa cu tabata e genesis di e protestanan mas grandi cu e pais Caribense a yega di pasa aden, autoridadnan di e Conseho Nacional Electoral, controla pa personanan cercano di Chavismo, a dicidi di delanta e presidencialnan cu por lo menos seis luna, pero e biaha aki opositornan a dicidi di no participa.
E diferencia entre e momento unda cu e opositornan tabata pidi, na gritamento pa bay eleccionnan, ora cu nan ta pidi, entre otro, pa esaki wordo posponi pa seis luna mas. Motibo ta cu e musculo antichavista ta practicamente anula.
E principal lidernan di e aliansa Mesa de la Unidad Democratica (MUD) cu tabata por a aspira pa e presidencia cu posibilidadnan verdadero di gana ta inhabilita. Esaki ta e caso di Henrique Capriles, of cumpliendo penanan pa delitonan contra di gobierno, manera ta e caso di Leopoldo Lopez.
Como sea, e decision di diadomingo lo parti e pais den dos. Di un banda, esunnan cu lo expresa nan boluntad cu nan voto a pesar di e criticanan di e sistema. Y di otro banda, esunnan cu ta convenci cu no bay vota ta e unico forma pa demostra e rechaso na gobierno y e desconfiansa di su institucion.