Den fin di siman a tuma luga na Las Vegas President’s Cup unda cu Joshua Klabér y Záhyon Klabér a participa.
Jourdé Klabér a coach tur dos atleta. Jourde Klabér mester a registra na World Taekwondo Federation como coach y na Las Vegas mester a atende e curso di coach pa asina por a bin na remarca pa certifica su mes pa eventonan di G1 y G2 pa por coach cualkier atleta.
Dia pa dia tin cambionan cu ta bin den e bringamento di Taekwondo unda cu esaki ta wordo adopta cada biaha unda cu no tin un contesta ariba te unda esaki lo yega. Manera un pregunta cu a bin pa dilanti ta e unda of te con halto bo por hisa bo pia prome cu bo haya un straf punt.
Diasabra Joshua Klabér tabata den un poule di 13 bringado unda cu Joshua Klaber a bringa contra di Jordan Guerrero for di Merca.
Joshua Klaber a duna mas di su banda, pero no tabata suficiente pa por a logra gana unda cu a wordo derota cu un score di 10-4.
Diadomingo tabata turno di Záhyon Klabér kende tabata premira su mes ariba e podium. Záhyon Klabér tabata den un poule di 20 atleta unda cu
Záhyon Klabér su prome pelea a bay contra di Adrian Rocha for di Merca. Un pelea cu a bay nek y nek den puntonan te cu mester a bay te sudden death unda cu Záhyon KLabér a score prome y por a sigui pa e siguiente pelea. Den di dos pelea Záhyon Klabér a topa cu Kelvin Tran for di Merca unda cu e pelea aki a bay te cu sudden death unda cu Záhyon Klabér a bolbe score prome y logra gana e pelea pa por a sigui pa e medaya di Brons.
Záhyon Klabér a topa cu e Candees Sherif Hassan unda cu Záhyon Klabér tabata determina pa su medaya. Den e prome rond Záhyon Klabér a coy bentaha cu un score di 4-0.
Den di rond Záhyon Klabér a keda dilanti cu un score di 7-4. Den di 3er y ultimo rond Záhyon Klabér tabata ganado te na e ultimo seconde unda cu cos a bay robes cu
Záhyon Klabér cu no por mas y wordo derota cu un score di 11-9. Un Záhyon Klabér hopi desapunta di por a perde su medaya y mester a keda satisfecho cu su derota.
Jourdé Klabér a keda contento di por a coach pa su prome biaha den un evento di G2.
Awor lo tuma un descanso chikito pa asina cuminsa prepara bek pa Open USA cu ta un G2 na Februari 2018.