FALCON, Venezuela- E cadaver di cuater di e cinco victimanan cu a naufragio dilanti e costanan di Koraal Tabak a wordo repatria diabierna den un avion di e Forsanan Aereo Venezolano. E embarcacion cu e Venezolanonan abordo a sali dia 10 di Januari cu destino Corsou.
Segun e corant Nuevo Día e curpanan a wordo traslada te na e Airport Jose Leonardo Chirino, cu a wordo tuma over pa efectivonan di e Guardia Nacional Bolivariana y Orden Publico di Polis di Falcon, kendenan a nenga e acceso na medionan di comunicacion.
E cadaver di Yajaira Josefina Marquez, di 36 aña, a wordo traslada pa estado Merida unda cu el lo wordo entrega na su famianan pa asina e wordo dera.
Mientras cu e curpanan di Jaires Leomar Lohaysa Soret, di 24 aña, Jeanaury Guadalupe Jimenez Chirinos, di 18 aña, y Danny Jose Sanchez Piña, di 32 aña a wordo reconoci pa nan famia y despues a permiti e traslado di e curpanan pa santana pa asina nan tambe wordo dera.
Ainda tin un cadaver mas na Corsou, un di cinco victima di e naufragio. E persona aki ainda no por a wordo identifica cual ta stroba su repatriacion.
Fuente: https://www.lapatilla.com