DETROIT, Merca – E funeraria a wordo cera na april di e aña aki despues di cu multiple infraccionnan a wordo detecta, manera e maneho inadecua di e curpanan den descomposicion.
E restonan mortal di 11 baby a wordo retira di un funeraria cu na april a wordo cera den e ciudad di Detroit. Esaki despues di un denuncia anonimo cu a conduci autoridadnan na e hayasgo macabro diabierna, segun medionan local a informa.
E cadavernan a wordo descubri door di Investigadonan di e Departamento di Licencia y Asuntonan Regulatorio (LARA) di Michigan den e funeraria Cantrell. E cadavernan tabata den un plafond falso entre e prome y di dos piso di e edificio, cu a stop di funciona como deposito di cadaver na april.
Segun e vocero di Detroit Police Department, Brian Bowser, aparentemente, algun di a babynan aki a nace morto. E otronan, den estado di descomposicion, a wordo hiba pa e oficina di e dokter forense pa determina nan identidad y e causa di morto.
Autoridadnan cu ta investigando e caso a keda impacta pa e condicionnan teribel den cual e curpanan tabata warda. Segun Bowser, nuebe di e cadavernan tabata den un caha di carton y dos otro tabata lora den saconan di sushi den un caha chikito.
Ainda no ta cla pakico e restonan, algun di e cual aparentemente tabata den e plafond entre e dos pisonan desde 2009, no a wordo dera. Si e gerencia di e funeraria tin di haber cu e caso no ta conoci. Polis ta spera di interoga e ex doño di e negoshi, Raymond Cantrell.
No tin placa, no tin entiero
E antiguo deposito di cadaver actualmente ta den proceso di bira un centro comunitario. Incluso prome cu e descubrimento horibel aki, e funeraria tabata figura ariba e blacklist di autoridadnan. El a wordo cera na april y su vergunning a wordo kita despues di cu inspectornan a detecta multiple infraccionnan, manera e maneho inadecua di curpanan den descomposicion, tanto di adulto como di babynan.
Segun e informe policial, e doño hopi biaha ta retrasa e entiero te ora cu e haya e pago completo pa su servicionan. Un biaha dos curpa balsama a wordo poni den e garashi, cu no tabata tin un freezerm y Cantrell a sigura e inspectornan cu e cadavernan lo keda eynan te ora cu e famia a paga pa e entiero. Un di e curpanan ta den e garashi for di november 2017 y e otro for di december di e mesun aña.
Den otro caso, Cantrelli a wordo kima (crema) pa motibo di cu e famia di e defunto no tabata tin placa pa paga e entierro.