Caracas, VENEZUELA- Restonan mortal di shete persona a wordo haya den e prizon principal di Caracas, cera temporalmente ya pa cinco luna caba, segun e Minister di Asuntona di Prizon, Iris Varela. E informe aki ta wordo desmenti door di un ONG cu ta bias cu e cifranan ta mucho mas halto.
“Nos a haya reportenan di cu a haya wesonan, restonan humano y y di biaha a active un investigacion, Varela a bias den e conferencia di prensa, cu a splica cu e restonan humano tabata den estado avansa di descomposicion.
E funcionario a publica riba su cuenta di Twitter despues, cu segun e prome resultadonan di e polis cientifico y dokternan forense, e restonan haya den e instalacionna di e Penitenciaria General di Venezuela (PGV), na San Juan de Los Morros (estado Guárico, “ta coresponde na shete persona”. Anteriormente el a bisa cu tabata tres.
Na October aña pasa, gobierno a complete e traslado di e presonan despues di simannan largo di confrontacionnan entre nan pa e control di e prizon y denuncianan di morto di algun di nan, pa falta di alimento y remedi.
E prizon ta cas di mas o menos 9 mil preson, segun e ONG defensor di e derechonan di e prizoneronan Una Ventana a la Libertad.
Carlos Nieto, coordinado di e organisacion no gubernamental aki, ta sigura cu e cantidad di cadaver ta yega na 100.
E ONG ta denuncia, cu a pesar di e plan di gobierno, e prizonnan Venezolano ta scolnan di crimen, unda cu e prizoneronan tin hasta pool, pizzeria y discoteca.
Fuente: www.lapatilla.com