BEIJING, China – Arkeologonan Chino a descubri den e provincia oriental di Shandong restonan di algun “gigante” humano cu a biba eynan casi 5 mil aña pasa. Segun investigadonan, e estatura di e personanan aki ta inusualmente halto, superando un meter nobenta. Nan ta kere cu e restonan haya ta pertenece na e miembronan di e civilisacion neolitica Longshan, cu tabata habita den e cuenca di e rieu Geel, miho conoci como Huange “Nos a yega na a conclusion aki despues di a studia e wesonan. Na bida, siguramente, nan lo tabata mas halto”, segun e hefe di Centro di Estudionan di Historia y Cultura di e ciudad di Shangong, Fang Hui. “Mi ta kere cu e cifra ta splica e presencia di fuentenan alimenticio abundante na cual e hendenan aki tabata tin acceso”, el a añadi.
E descubrimento a tuma luga durante algun excavacion, den e zona di e ciudad di Jinan cu a cuminsa na 2016. Te cu e fecha, cientificonan a descubri e restonan di mas di 100 edificio, 200 graf y cerca di 20 pos di sacrificio.
Arkeologonan tambe a determina cu nan antepasadonan cu tabta biba den e teritorio actual 5 mil aña pasa a desaroya agricultura. Entre otro, nan tabata dedica nan mes na e cultivo di cereal y cria di porco.
Fuente: www.sinembargo.com