Den entrevista cu Sr. Clifford Rosa di Stichting Rancho e renobacion cu a cuminza riba e forno di kalki ta un stap grandi padilanti. Mas of menos 10 aña pasa a cuminza pensa mirando cu Museu Arquelogico a cuminza cu e exposicion Rancho y eynan un grupo di muchanan di pabao a dicidi cu ta bai haci algo pa cu e esaki. Y ya caba un hoben, Arnaldo Maduro tambe a contribui pintando un logo cu tabata e forno di kalki y esaki a bira e icono pa fundacion Rancho pa cu awe yegando 10 aña di existencia oficialmente. Pero tambe yegando na un punto cu sigur no a pensa cu nunca lo bai pasa cu ta restauracion di e forno di kalki. Dus defacto esaki ta un dia historico mientras cu ya caba e parti teoretico a cuminza pero awo por mira e parti practico caminda por mira cu e trabaonan ta den full swing hinca den otro y esaki mester bisa cu ta danki na Monumenten Fonds y tambe e partnersnan cu a bin di Trinidad & Tobago pero tambe tur otro sponsor cu a contribui tambe pa pone e fondonan cu tabata necesario pasobra akinan ta wordo papia di un obheto monumental cu ya tin su balor pero hopi hende no sa di dje, pero con lo bai haci pa conserva esaki tambe. Sigur, Sr. Rosa a bisa cu nan ta contento y manera ta bisa tin un di e hobennan cu a lanta defacto banda di e forno aki y un di e prome potretnan cu a logra haya di hopi tempo pasa. Y por supone tambe cu pa tur bisiña esaki ta un logro grandi pasobra e bario mes no tabatin mucho conocemento di e forno di kalki anto e tabata algo un tiki scondi pero e forno aki tin hopi historia. Ta 127 aña e tin di existencia y esaki kiermen cu tin hopi hopi cos cu a sosode den e forno y rond di esaki. Despues cu e renobacion tuma luga ta pa drecha esaki den un forma pa e bira mas turistico pero mester bisa cu e ta turistico caba pasobra ya caba tin un barco crucero den haf mara y den principio tin tur e luganan aki conserva pa tin algo si pa mustra turismo y a sali na cla cu en principio turistanan kier wak e cosnan aki pero e sistema na Aruba cu hendenan local tambe mester siña dus ta para hopi pa siña nos hendenan local y sigur si bin turista tambe nan ta welcome pero e punto ta cu mester siña conserva e herencia material of in material cu tin di haber cu identidad di Aruba y tin di haber cu nos edificionan y con pa restaura esakinan. Pasobra esaki ta cosnan hopi importante aworaki y naturalmente ora cu e cosnan aki ta cla tur hende ta welcome. Sr. Rosa a sigui bisa cu e forno ta bai keda habri pero tin un porta poni su dilanti pero en principio tur esey ta desaroyo y ta kere cu e impacto di loke ta e restauracion aki lo trece mehoransa den e bario, tanto pa e ambulantenan cu tin rond cu ta trece sushinan rond di e lugar y cu ta moviendo den e vecindario, nan mester tin nan atencion y ta kere cu mirando cu tin organizacionnan specializa cu nan lo yega den e bario aki tambe y atende cu nan.