Fundacion Salud Mental Aruba “Respaldo” ta e nomber nobo pa e Fundacion cu ta duna ayudo psikiatrico cu lo bay reorganisa fundamentalmente na Aruba. E fundacion a wordo funda den bon cooperacion cu pais Aruba, AZV y hospital. E nomber “Respaldo” ta nifica “backup/sosten fuerte.” Ta un palabra di Papiamento di antaño cu a wordo scogi entre e trahadonan den psikiatria. Den FSMA “Respaldo”, PAAZ y policlinicanan di psikiatria di hospital (tambe di mucha y hoben), SPD (Sociaal Psychiatrische Dienst) di Gobierno y Balance, cu ta psikiatranan priva, awo hunto por fin tin nan propi organisacion den cuido mental na Aruba.
Door di hopi factor, ayudo psikiatrico na Aruba, den e ultimo añanan, no por a desaroya suficiente. E Fundacion lo bay bin cu un maneho di loke tin mester pa por brinda bon ayudo den cuido. Lo bay pone atencion riba un comunicacion efectivo conhunto. Pashentnan seriamente enfermo lo bay ta miho alcansabel y tambe lo bay wordo miho trata. Lo bay brinda un atencion amplio na e calidad di cuido y tambe na esnan cu ta brinda e asistencia aki. Solamente un propio fundacion pa cuido mental por trece cambio door di integra e cuido necesario aki.
FSMA “Respaldo” tin su propio Raad van Toezicht cu tin como presidente Jossy Lacle y su Raad van Bestuur, cu tin como director medico dr. Hendrikus van Gaalen y como (interim) director bedrijfsvoering, drs. Lex de Jong. Cu un staf nobo y den cooperacion cu Gobierno, AZV y Hospital, “Respaldo” lo bay tin como prome punto di salida, e mehoracion di PAAZ y e refuerso di ayudo ambulante. Lo bay tin dos luga nobo, di cual uno ta cerca di PAAZ y uno na San Nicolas. Den e edificionan aki lo bay bin un pliclinica, un team apart pa trata pashentnan psikiatrico serio den nan propio ambiente y un cuido diario ambulante. E dokternan di cas tambe lo wordo miho asisti tambe door di praktijkondersteuners. Lo bay tuma mas personal den cuadro di enfermeria, psicologo y otro terapeutanan. Na Aruba, pa e proximo añanan, ayudo psikiatrico door di “Respaldo”, lo bay conoce mehoracion. Y esaki ta necesario den nos mundo den desaroyo.