ROMA, Italia – Rescatistanan a salba un baby di cuater dia di naci diasabra, riba Lama Mediteraneo. E mucha tabata abordo di un di e dos botonan di rubber cu cientos di imigrante abordo, na caminda pa Europa.
E organisacion Spaño Proactiva Open Arms, a ehecuta e operacion di rescate, cu a dura mas of menos tres ora. “Siman pasa pa prome biaha mi a saca un curpa for di Lama Mediteraneo. Diasabra mi a ricibi bida nobo den mi brasanan,” un rescatista di 26 aña a bisa, kende a hiba e infante riba un boto di rescate.
E mayornan di e mucha, un muhe Nigeriano di 29 aña y un Ghanes di 34 aña, tambe a wordo rescata. E duo a keda dos aña na Libia y a dicidi pa haci e biahe, despues cu a haya e mucha. E famia ta spera di cuminsa cu un bida nobo na Francia of Alemania.
E trio tabata tin suerte. Segun calculacion, e aña aki, ya casi 600 migrante a hoga durante intentonan pa cruza pa Europa for di Noord-Africa. Guarda Costa Italiano a laga sa diasabra cu un total di 480 imigrante a wordo saca for di boto riba Lama Mediteraneo.
Fuente: De Telegraaf