Dialuna anochi familiar a keda yama pa un conoci di nan cu ta den mondi di Rooi Lamuoenchi pa Pos Chikito unda e ta benta abou herida y no por move despues di a bay cana cu un grupo di persona den mondi, famianan a bati alarma na autoridad. A mobilisa, ambulance, brandweer y polis pa e sitio. Cu helicopter a haci uso pa yega na e persona y helicopter a brinda luz pa tur instancia por traha. Paramediconan a yega na e victima y di biaha a cuminsa yuda e señora herida cu a fractura su pia y no tabata por a cana mes. Cu ayudo di personal di brandweer a logra saca e victima bay cune te na ambulance pa despues keda transporta pa hospital.