Willemstad Curacao: Djadumingu 24 di Yüni 2018 alrededor di 10:17 di mainta, sentral di Brantwer Kòrsou a risibí informashon ku na parke Kristòf lo mester tin un persona ku a bai subi e seru, pero ku a enkontrá difikultat. Mesora unidat di Brantwer di Barber a bai pa duna asistensia.
Na yegada na Seru Kristòf, mesora bombero nan a prepará i kuminsa subi e seru. Tabata na 3/4 di e seru, kasi pa yega e tòp ku a topa e dama viktima ku lo a fraktura su pia durante di e subimentu di seru. Pero despues di a analisá e situashon di e viktima i tambe e distansia pa por yega abou pa asistensia mediko, a opta pa pidi asistensia di helikòpter di Wardakosta pa tranporta e viktima. Personalnan di wardakosta a transporta e dama viktima pa e por risibí tratamentu mediko. E trabou di e bomberonan sigur tabata di balorá, despues ku nan a dura for di 10:30 di mainta te 1:20 di mèrdia. Tremendo trabou di BM Mathilda, HBT Seinpaal, BW Poulo i ABW Laveist i ABW Prosper.
Cortesia di Uo Brandweer &R Rampenbestrijding Curacao.