Sr. Eduard McCollum, Vice Consul y representante di Asuntonan Comercial di Republica Dominicana, den Consulado Dominicana na Aruba ta splica tocante e Conferencia di ALES, cu a tuma luga recientemente na Republica Dominicana.
Varios ta e comerciantenan di Aruba cu a participa na e convencion di ALES 2018 (Agencia Latinoamericano de Exportadores de Servicio). Esaki tabata un evento exitoso, bon hinca den otro cu bon resultado na Republica Dominicana. Sr. McCollum ta invita empresario, comerciante, y entrepeneurnan na futuro eventonan na Republica Dominicana, pa haya nan productonan, nan por conta cu Sr. McCollum, como tambe e Consulado di Republica Dominicana. Y asina por traha un ekipo di trabao pa na maart 2019, pa un otro evento HOP Camara Sto. Domingo. Esaki lo ta un escenario ideal pa wak ki productonan por bay Aruba.
A haci un recorido den varios supermarket na Republica Dominicana, unda cu a wak productonan cu no ta solamente fruta, pero productonan den bleki, empaketa cu por bira un producto ideal, un linea ideal door di cercania di Aruba, pa baha e costo di cuminda na Aruba. E ta un necesidad real. Sr. McCollum ta 100% sigur cu Republica Dominicana ta e opcion ideal pa comerciantenan, pa nan pone atencion ariba dje, pa productonan Dominicano yega Aruba.
Durante e convencion di ALES 2018, tabata tin otro islanan di Caribe Hulandes tambe presente. A pesar di tur cos, Sr. McCollum no ta 100% satisfecho ya cu tabata tin oportunidad pa mas empresa por tabata presente na ALES. A haci trabaonan di promocion riba diferente portalnan, como tambe na radio. E comerciantenan cu no a bay e convencion aki, a perde e oportunidad di bira parti di empresarionan di reconocemento mundial cu tabata presenta na ALES 2018, manera Viva Colombia!, cu a haci un presentacion di nan proyectonan nobo den e area di servicio den Caribe completo.
Varios ta e comerciante cu ta puntrando tocante e convencion, pero segun Sr. McCollum, cada empresario mester bin y haya informacion tocante leynan, abogadonan, arkitectura, ingenieria, areanan digital, di comunicacion, videogame, areolineanna, productonan tangibel y no tangibel, cu por forma parti di e diversidad di Aruba y cu e pueblo di Aruba kier y mester pa desaroya su mes economicamente, na un manera mas eficiente.
Plannan pa 2019, lo bay tin no solamente evento of convencionnan na Republica Domicanan, pero lo tin tambe e HOP Camara na maart 2019, na mei lo tin Agro Alimentaria 2019. PEro tambe a trece productonan di Republica Dominicana, pa traha un sorto di exposicion chikito pa e comerciantenan por wak e productonan. Tambe ta trahando ariba lineanan naviero, lo traha directamente for di Aruba pa Sto. Domingo y vice versa, cu barconan mas chikito. Ya caba ta trahando ariba esaki como responsabelnan comercial di Republica Dominicana na Aruba.
Aña 2019 lo bay ta grandi, segun Sr. Eduard McCollum, Vice Consul y Representante di
Asuntonan Comercial Dominicano na Aruba.
