REPUBLICA DOMINICANA – Mexico, Centro America y Republica Dominicana, lo bay wordo afecta den e proximo lunanan pa frentenan friu cu lo provoca temperatura promedio bao di 10 of 12 grado Celsius, cu ta e minimo habitual, a informa e Organismo Internacional Regional di Sanidad Agropecuario (OIRSA).
OIRSA a detaya den un comunicado a bisa cu e region Centro Americano pora esun mas afecta, ya cu ta contempla e escenario cu temperaturanan cu lo mantene mas abao du lo normal y cu yegada di empuhenan friu, cu ta separacionnan entre dos masa di aire di diferente temperatura.
Segun e entidad, cu tin sede na El Salvador, esaki por origina awasero y biento cu impactonan significativo di November pa Maart di proximo aña.
OIRSA a detaya cu na Mexico ta spera 50 frentenan friu cu ta afecta principalmente na e estadonan di Oaxaca, Puebla y Chiapas, mientras cu pa Guatemala, unda cu temperatruranan por baha te cu -5 grado Celsius y El Salvador, ta pronostica 14 frente friu.
Pa Honduras y Nicaragua ta contempla un comportamento promedio cu awasero dentro di lo spera pa e epoca of ligeramente menor, el a indica.
Na Costa Rica ta premira cu di November pa Februari tin un aumento debil di biento, siendo mas friu durante Januari, ora cu ta registra e mayor frentenan friu.
Na Panama y Cuba ta proyecta escenarionan promedio, na Republica Dominicana ta spera mas awasero durante e resto di November y December y entre Januari y Maart ta marca un epoca mas seco.
E pronosticonan climatico, presenta diamars ultimo na e sede di OIRSA ubica na San Salvador ta compronde un periodo di November 2016 pa Maart di 2017, un fuente den un comunicado a agrega.
Fuente: http://www.antena7.com.do