Republica Dominicana a confirma peste Africano bou cria di porco

Autoridadnan di salud a indica cu e malesa cu ataca porconan a plama pa shete provincia den localidadnan di Sánchez Ramírez, Santiago, Hermanas Mirabal, La Vega, Montecristi, Elías Piña, San Juan y el Distrito Nacional.

Republica Dominicana tin un commission cu ta Comisión Oficial para el Control y Erradicación de Brotes de la Peste Porcina Africana cu a informa dialuna cu a detecta e malesa den diesun provincia di e pais.

Debi na esaki a pone den accion un protocol pa isola e virus y den esaki e pais ta haya ayudo di organisacionnan internacional manera Organisacion di Nacionnan Uni pa Alimentacion y Agricultura y Instituto Interamericano di Cooperacion pa Agricultura.

Gruponan di trabou consistiendo di un veterinario, , expertonan di Banco Agricola di e pais, y representante di diferente otro instancia, ta presente na e diferente criaderonan pa haci e control y eradicacion di e malesa.

E unico medida cu por a tuma mientrastanto ta sacrifica e porconan, pa evita cu e ta sigui plama.

Manera menciona, a detecta e malesa den cria di porco na 11 di e 32 provincianan di Republica Dominicana, segun resultadonan di 387 test manda Merca.

E prome caso detecta na Republica Dominicana a wordo notifica na Organisacion Mundial di Salud di Animal dia 29 di juli. Y ta e prome caso confirma den e area occidental desde decada di 1980.

Comments

comments