Dialuna a tuma luga e apertura oficial di e di 49 conferencia di asociacionnan di biblioteca den Caribe. E apertura a tuma luga den presencia di S.E. Gobernador di Aruba, Sr. Alfonso Boekhoudt, minister di Enseñansa, drs. Rudy Lampe, y minister di Corsou, Sra. Alcala- Walle y tambe e participante y invitadonan na e conferencia.
E conferencia aki ta conta cu participacion di 25 pais di region di Caribe, inclui Merca, Brazil, Reino Uni. es decir tin un plataforma basta internacional cu ta participa na e Acuril. E tema cu lo trata e siman aki, di dialuna pa diahuebs, ta e sustainable goals, acceso na informacion pa tur hende y con biblioteca, archivo y museonan por contribui na e agenda 2030 di Nacionnan Uni.
Sra. Astrid Britten, directora Biblioteca Nacional a sigui bisa cu Nacionnan Uni tin un agenda ambicioso pa cumpli cun’e, cual ta meta pa un desaroyo sostenibel.
BENEFICIO
E beneficio pa Aruba ta hopi grandi, mirando cu ta un planeta nos tin y cu mester cuid’e, pa cual mester ta mas sostenibel posibel. Dialuna tabata tin e orador profesor Jesus Lau, cu a papia ariba con pa contribucion na pobresa. Tambe, no por wak e parti di pobresa so, pero di biaha ta wak e parti di Food Security tambe. Esey ta un di e temanan, pero tin 17 meta cu lo cumpli cun’e. Tin personanan di Nacionnan Uni tambe ta presente den e sala di Exposcion. Asina ta, tur informacion t’ey pa wordo duna na e participantenan y tambe na e invitadonan.
E dia final lo tin resolucionnan cu ta interesante cu lo bin padilanti pa loke ta trata e conferencia den su totalidad, si algo por haci hunto, bibliotecanan den caribe, ya cu e foco ta con hunto e bibliotecanan den Caribe por logra, support e agenda 2030 di Nacionnan Uni.
RETONAN
Sra. Britten a bisa cu semper tin retonan pero esaki ta trece oportunidad. Den e caminda ey lo mester por wak esaki tameb, segun Sra. Astrid Britten, directora di Biblioteca Nacional Aruba.