Sr. Audy Francisco Puyosa Gonzales ta representante di e compania CICB Crane Inspection & Certification Bureau y el a splica cu e programa cu ta e certificacion pa inspectornan di gruanan mobil y gruanan di brasa articula, ta busca crea, desaroya e criterio di personanan cu ta realisa e gestion preventivo di e operabilidad di e ekiponan di hisamento, di manera cu den corto plazo por yega den aliansa of bao di siguimento di DTI como agente oficial di Gobierno, pa por maximalisa e operabilidad, e disponibilidad di factor di servicio di e ekiponan riba e isla, reduciendo di e manera ey e probabilidad di accidente pa motibo di faya di ekipo. Ta busca pa crea un cultura solido pa e prevencion di daño di ekipo atrabes di inspeccion.
Gonzales a splica cu gigantenan industrial tin manera pa mehora e desaroyo di nos trabaonan. Sinembargo ora cu no ta opera di manera adecuado, no ta hiba un bon programa di mantencion of simplemente ora cu nos ta laga un banda e criterio di e fabricante, ta cuminsa move dentro di e tereno di loke ta e probabilidad di accidente. Mientras cu den e industria di construccion, manufactura, incluyendo turismo, oficina, por tin lesion, manera un persona a perde un dede, un persona a ricibi un lesion na rudia, un discapacidad, lo cierto ta cu e accidentenan ta implica ekipo di hisamente normalmente ta fatal, multiple fatalidad y dañonan na ekipo door di cantidadnan hopi cuantioso incluso pa perde tur e condicionnan di un proyecto pa motibo di un mal operacion.
Gonzales a sigui splica cu e proceso di inspector ta un proceso continuo. Semper ta purba di mehora. Na Aruba constantemente ta purba di actualisa riba e formato nobo y pa incorpora tambe e legislacion natural di e region pa loke ta e criterionan premira pa e inspeccion, Gonzales a splica.