Diabierna 15 februari Minister dr. Armando Rudy Lampe a presencia e celebracion di a yega e punto mas halto pa cu e proyecto renobacion di JFK. Presente den representacion di AIB tabata Sr. Frendsel Giel, kende tambe a anuncia cu lo bay traha un monumento pa duna honor y recorda nos arkitectonan di antes, kendenan tabata percura pa e casnan di antaño cu dibuho di entre otro flornan riba e murayanan.
Tambe Minister Lampe a hiba palabra y a expresa su alegria cu e Departamentonan di Enseñansa lo bin traha hunto den e edificio renoba di JFK. A surgi un explosion di ideanan na unda cu e departamentonan lo traha hopi mas estrecho cu otro.
Minister Lampe igual cu Sr. Giel a gradici tur esunnan cu di un forma of otro a contribui na e proyecto JFK y di e forma aki,mantene un edificio cu hopi historia y cu lo por wordo yama un monumento den educacion aki na Aruba.