Dialuna, 23 di april a anuncia oficialmente cu lo cuminsa cu e trabaonan di expansion na Imsan, unda cu lo bin un departamento nobo di radiologia cataloga como esun di mas sofistica y unico den e Caribe. Esaki sigur cu mester wordo considera un gran logro pa henter pueblo hunto cu gobierno di Aruba cu ta algo di celebra. Minister Dangui Oduber Minister di Turismo ta amplia.
Minister a splica cu Aruba ta e prome pais den Caribe cu e ekipo cu ta introduci e tipo di CT Scan cu un tecnologia totalmente nobo cu e no ta existi ainda ni na Merca tampoco. E expansion aki ta contribui tambe na e vision cu gobierno tin pa mehora servicio di cuido y brinda e servicio cu comunidad ta spera di dje. Hunto cu Baptist Health a firma tambe un acuerdo hopi interesante pa brinda e conocemento y experencia riba e tereno medico, caminda a felicita e director di IMSAN, dr. Rajnherc, cual ta sigur un dia grandi pa cuido medico.
Algun siman pasa a hospital a inaugura su sala di catheterismo anto awo ta bin cu expancion den radiologia y poco poco lo keda cana den e direccion corecto pa mehora e cuido den su totalidad y ta hopi orguyoso cu tin un proyecto asina grandi na un pais asina chikito manera nos isla cu un inversion stipula den casi 60 miyon florin.
Otro bon noticia ta cu e placa ta keda na Aruba tambe, y kier men cu pashent no mester bay afo tampoco. Lo sigui traha pa na un nivel cu e gastonan di AZV tambe ta wordo reduci, cual ta algo cu gobierno tin su bista ariba dje, cu gobierno tin su bista riba dje cu diferente analisis tambe di kico mester haci y esaki sigur ta contribui cu e meta, segun e mandatario di Salubridad Publico, Sr. Dangui Oduber.