Diabierna ultimo 16 di april 2021 e proyecto pa mantencion di e edificio di Corte a yega na su final. Esaki a tuma luga cu firmamento di e procesverbaal pa e finalisacion di e proyecto den e sala grandi di Corte. E firmantenan tawata Minister di Finansas, Economia y Cultura, Xiomara Maduro, Minister di Husticia, Siguridad y Integracion, Andin Bikker, Vice Presidente di Beheerraad di Het Gemeenschappelijk Hof van Justitie Grace Maduro, Director di Albo Aruba N.V., Gerco Rijkers, Project Manager di Albo Aruba N.V. Anno Postma y Director di Monumentenbureau Yvonne Webb-Kock.
Un proyecto dificil pa ehecuta mirando cu Corte mester a sigui cu su operacion diario. E mantencion a cuminsa dia 22 juli 2020 y e proyecto a wordo realisa den 4 fase. Asina mes a logra realisa e mantencion den e tempo y dentro di e presupuesto premira.
Monumentenbureau ta gradici, Minister di Finansa y Economia, Minister di Husticia, Siguridad y Integracion, Beheerraad di Het Gemeenschappelijk Hof van Justitie, Corte den Prome Instancia, Albo Aruba N.V., Serfix Installation Techniques, Ranvic N.V., advisor tecnico ACE Firm Engineering, personal di Monumentenbureau y tur esnan cu a haci e proyecto aki posibel, specialmente na e usario y personal di Corte pa nan pasenshi.
Monumentenbureau ta spera di por sigui aporta na mantencion di nos monumentonan. Aruba por ta orguyoso di a logra trece e edificio di Corte bek den su splendor