Curacao: Rennox Calmes kende ta un hoben político cu un trayectoria for di tempo e ta hoben iniciando su participación y acciónnan den parlamento hubenil, Sr Calmes ta polis di profecion. Después di a figura riba lista FOL di sr Anthony Goddett y tambe Kousa Prome di Sr. Rene Rosalia, na 2017 a haci un jamado pa un generashon nobo den política nace y inova; aki a lanta e partido Partido Innovashon Nacional cu su líder sra Suzanne Camelia-Romer.
Despues di Ellecion 2017 sr. Calmes ta drenta parlamento como miembro di cualicion y na 2020 despues cu eno tabata di acuerdo cu cierto acción di su líder y minister den e gabinete ela dicidi di retira su sostén for di e cualicion y pasa pa forma parti di oposición den Parlamento.
Ta for di september 2020 nan a start e preparashon pa un lista di partido balansa y cu bista riba futuro. Aki a nace e partido cu awe eta lidera Trabou Pa Korsou. Durante pre elecion e partido a haya un sostén di 2216 persona pa asina nan por participa na e próximo ellecion. Nan ta lista number 5 riba e stembiljet y ta haciendo uso di e color bruin como color di partido.
Ultimo siman por a scucha hopi di Trabou Pa Korsou esaki debi na e sucedido caminda e partido a perde un miembro di su lista esta candidato number 4 kende ta Sr. Almier Godett den felis memoria. Según Sr Calmes e partido ta hopi kibra pero esaki no ta kita cu nan no lo sigui lucha pa logra nan obhetivo. Nan ta para pa un gobernación limpi y transparente pa cual nan ta jama e gobernante Organiko.
Diaranson próximo dia 17 di maart 2021 lo hiba e resto nan mortal di sr. Godett na su ultimo lugar di descanso. Esaki ta net 2 dia prome cu ellecion na Korsou.