Pa locual ta 2019, TOPA lo bay acerca conhuntamente cu e demas sindicatonan cu nan lo desea pa gobierno jump-start esaki un biaha mas, pa por bin bek cun’e, ya cu TOPA ta kere cu esaki ta e manera di dialoga cu e sindicatonan ariba e parti cu ta e aspecto di GOA, cu ta representa e Georganiseerd Overleg Ambtenarenzaken, caminda cu den e GOA cu ta hancra den ley di LMA, cu ta artikel 100-101, unda cu ta para cu gobierno cu sindicatonan cu ta representa empleadonan publico, por sinta na mesa y discuti problematicanan pa loke ta ambtenaarij.
TOPA, segun Sr. Bernabela, lo desea pa e GOA bira activo atrobe pa sinta dialoga y atende discusionnan pa locual ta toca GOA, ya cu tin hopi leynan y pagonan anticua cu actualmente ya caba nan a caduca, hopi departamento uniforma cu ta atendiendo ariba e parti di continutoelage, cu for di basta aña ta data unda cu esaki ta pega na 120 florin. Otronan cu tin 3 warda ta hancra na 130 florin. A yega momento pa modifica esaki, cambia esakinan y haci esakinan un tiki mas hopi, pa motibo cu cu 120 florin como continutoelage y tambe e maaltijdbonnen, kindertoelage cu ta wordo paga, tur a verval. E sumanan cu ta wordo paga, no por wordo compara cu e sumanan cu e tempo den cual nos ta bibando awendia. E parti aki TOPA lo mester papia cu gobierno, conhuntamente cu demas sindicatonan cu ta representa e empleado publico.
Gobierno mester haya feedback ariba nan posicion huridico pa cual TOPA lo bay acerca e bureau di minister concerni, pa puntra con ta para pa locual ta e posicion huridico, pa locual ta e empleadonan di e departamento aki. Tin hopi empleado na diferente departamento di gobierno, y tambe e departamentonan cu ta gelijkgesteld na un ambtenaar, nan posicion huridico te na e momentonan aki no a wordo regla pa loke ta e departamento di Recurso Humano. Aña pasa a sinta cu varios minister pa loke ta e rechtpositie di hopi ambtenaar y e gelijkgesteldenan, cu ainda no a wordo regla manera cu mester ta.
Esaki ta un di e trabaonan cu mester wordo sigui cun’e, den 2019 . Esakinan ta trabaonan cu ta spera sindicato TOPA pa 2019. Te asina leu, Sr. Rene Bernabela, di sindicato TOPA.