E temporada di pasco lo no ta completo sin Renaissance Marketplace su decoracion di cuki. E cuki traha primordialmente cu sucu bruin, ginger, vanila y cane ta un gran faborito den dianan di fiesta. Dia 21 di December proximo tur mucha di Aruba ta keda invita pa traha y decora nan propio ‘gingerbread cookie’ cu guia di Ginger Man. E ‘popchi’ lo percura pa muchanan pasa un rato contento y dibertido mientras nan ta decora nan cuki uzando nan imaginacion y creatividad.
Diaranson 21 di December, entre 6’or di atardi y 8’or di anochi mayornan ta keda invita pa hunto cu nan yiunan disfruta na Renaissance Marketplace den un ambiente navideño cu hopi actividad pa tur mucha. E actividad lo bay acompaña cu varios sorpresa. Tambe, lo tin oportunidad pa saca potret cu Santa Clause y su elfjesnan. E actividad ta uno gratis pa tur mucha; e meta principal ta pa nan gosa di un atardi den ambiente navideño.
Renaissance Marketplace ta invita e gran famia Arubano pa un atardi placentero. Pa mas informacion por tuma contacto cu 5236115 of bishita Renaissance Aruba su pagina di Facebook, www.facebook.com/RenaissanceAruba/events.