E celebracion Mericano di Thanksgiving a bin ta bira un tradicion aki na Aruba. Un cena den union familiar y amistad pa yama danki y ta agradeci pa tur locual nos tin den bida. E team culinario di Renaissance Aruba Resort & Casino a prepara tres opcion pa celebra e dia di gracia aki.
Aquarius Thanksgiving Buffet
E buffet restaurant di mas gusta pa famianan na Aruba lo celebra e dia aki cu un all-you-can-eat buffet dedica na Thanksgiving. Riba e anochi aki por saboria platonan manera sopi di pampuna, keshi yena, e ‘carving station’ cu Turkey y saus di cranberry, ham horna cu sabor di honing y ginger y mucho mas. Tambe tin e famoso ‘action station’ di seafood cu e tan gusta lobster tails sin limite. Un bon opcion pa famianan cu kier sinta y disfruta di un cena di seafood pero cu opcion di algun specialidad di Thanksgiving.
L.G Smith’s Steak & Chop House Thanksgiving Dinner
Pa tur esunnan cu ta desea un Thanksgiving dinner den un estilo mas elegante y cozy, e menu di LGS ta ideal! Ricibi bo entrada, plato principal y dessert- tur cu accentonan di Thanksgiving. E platonan special aki por ser combina cu e menu original di LGS, estilo di ‘mix & match’. Pues abo ta scohe kiko bo lo kier, con bo kier combina esaki y disfruta di e sabor y calidad cu LGS ta conoci pe. Asiento pa Thanksgiving dinner na LGS ta limita.
Fresco Thanksgiving Buffet
E restaurant Italiano cu un bista panoramico imprecionante situa na Renaissance Ocean Suites lo ofrece un buffet, ideal pa henter famia. Algo unico e anochi aki ta cu lo bay tin oportunidad pa traha bo mesun plato di pasta cu e.o linguine, fettuccine, pumpkin gnocchi, pumpkin ravioli- por scoge Marinara, Arrabiatta, Alfredo, pesto, Americana, al olio, sigur algo dibertido pa e muchanan. Sin lubida riba e famoso sopi di pampuna, turkey tradicional cu su gravy, salmou horna cu berdura y mucho mas.
Thanksgiving lo wordo celebra diahuebs, 28 di november. Pa mas informacion of reservacion por yama 5236115 of bishita e pagina di evento di Renaissance Aruba Resort & Casino; facebook.com/RenaissanceAruba/events/