No solamente nos ta papia di nos propio salud, pero nos no por lubida nos amigonan mascota, cu tambe ta forma parti di nos famia. Carpata y piu hopi biaha ta masha fastioso mes pa nos mascotanan. Nos lo papia pa e ocasion aki riba pieu, cu no solamente por bula di animal pa animal y hasta riba nos. Ken no a yega di haya pieu di pushi of hasta cacho den su cabes. Pero en fin, ta ora pa nos uza varios remedi pa combati e pieu, nos no mester cuida di no aplica hopi cerca di e nanishi y cerca e wowonan di e animal.
Pa combati e piunan, manera nos a indica caba, nos por recudi na productonan natural pa nos por emplea na diferente forma, no solamente directamente riba nos mascotanan, pero tambe den nos propio hogar.
Binager pa combati pieu
Un di e remedinan pa combati pieu mas conoci, uza den baño di e cacho, ta e binager. Por opta pa cualkier tipo di binager (di appel, di biña, etc.)
Pa laba e cacho mester haci’e cu un shampoo specifico.
Despues, sin saca e animal di e lugar unda nos ta bañ’e, nos ta extende un cup di binager riba e lana muha di e cacho.
Na tur momento mester evita e wowo y e boca.
Nos ta laga e binager actua por lo menos cinco minuut prome cu haw’e. Por ultimo, nos ta peña nos amigo cu un peña metalico di djentenan fini y lag’e seca normalmente.
Peña metalico di djentenan fini pa combati piu
E custumber di pasa un peña fini dos biaha pa dia riba henter e curpa di nos cacho, lo yuda nos revisa si e tin parasito. Si tin pieu, cu e mesun peña aki nos por gara nan.
Cu e efecto di binager, e pieunan lo move hopi mas lento y ora di pasa e peña nos por garanan cu facilidad.
Despues nos ta tiranan den wc of den un ziplock. Ta trata di evita e riesgo pa nan bolbe drenta den bo hogar.
Otro forma pa uza binager
Otro tecnica pa uza binager contra pieu riba cacho, ta pa añadi esaki den su awa di bebe cada dia.
E proporcion por ta di un cuchara di binager di appel of di biña (5ml) den e baki di awa di bebe di e cacho.
Si e animal ta grandi, di un tamaño superior na 20 kilo, bo por uza dos cuchara diario (20ml)
Lamunchi tambe ta sirbi pa combati pieu
E holo di lamunchi tambe ta un fuerte repelente contra pieu.
Ingrediente
1 lamunchi
1 liter di awa
Preparacion
Nos ta añadi na e awa den un recipiente adecua y nos ta pone herbe. Ora e herbe, nos ta introduci e lamunchi completo, corta of na wiel.
Nos ta kita e recipiente for di candela y nos ta laga e reposa e mescla henter anochi.
E dia siguiente nos ta extende e mescla riba henter e lana y e partinan di cuero di e cacho. No mester haw’e
Igual cu ta sosode cu binager, tin cu tene cuidao cu e zona di e boca y wowonan.
E aplicacion aki nos por ripiti un of dos biaha pa siman te ora cu elimina e pieunan. E remedi casero di lamunchi aki tambe ta sirbi pa haci un desinfeccion den cas.
Uzando un boter di spray, nos por spray riba e luganan di cas mas afecta pa pieu, manera den e caso di e plooinan di e mueblenan, e cama di e cacho, vloer, etc.
Salo
A keda demostra cu pieu ta pone nan webo riba vloer, tapijt y scheur. E webo y larva di pieu ta hopi sensibel na falta di humedad. Pesey, ora cu salo toca e webonan, nan ta seca y nan ta caba den muri.
Pa uza e remedi caseo aki, nos mester pone salo, lo mas fini posibel, manera salo di mesa, riba tapijt.
Nos ta laga e salo actua durante varios ora of si ta bon, durante henter anochi.
E remedi aki por wordo ripiti mas di un biaha, a lo largo di varios siman, te ora cu e libra nos di e pieunan den nos cas.
Azetanan esencial
Di lavanda, tomillo, di arbel te te, di ceder, citronela, geranium… E azetanan esencial tambe ta bon remedinan casero pa combati pieu.
No obstante, den e caso di pushi, mester tene cuidao, pasobra e por ta toxico pa nan.
Fuente: https://mejorconsalud.com