For di luna di Juli te cu October di e aña aki por a mira varios relato cu nos a publica di tiramento den area di Madiki, Korvetstraat, y casnan di pueblo na Noord. Na varios ocasion polis a haya hulsnan despues di e tiramentonan aki y ultimo algun detencion a cay den Duartestraat y Heidestraat na Noord ora a haya arma carga den un auto un anochi laat. Recherche a tene nan investigacion grandi relaciona cu tur e tiramentonan aki y a sali na cla cu ta trata di gangnan di Tanki Leendert, Madiki y Duartestraat ta tira riba otro cu arma di candela relaciona den e baynna cu nan ta hinca nan curpa aden.
Un total di 10 sospechoso tin deteni y mayoria di nan ta den detencion ainda, y cuminsando 2 di December 2016 e prome lo keda hiba dilanti Huez pa scucha kico lo tin p’e.