Rejuvenate Medi Spa a “pamper”miembronan di prensa

Rejuvenate Medi Spa, situa na Noord, a tene un actividad special pa algun miembro di prensa relaciona cu celebracion di Dia di Prensa. Miembronan di prensa invita a keda hopi contento cu riba e fecha aki nan por a relax un rato mey-mey di loke toch tabata un dia normal di trabou. Ruben Trappenberg, cu un “smile”grandi riba su cara a bisa cu el a haya un tratamento “cu mi no a spera”. El a splica cu e masagi cu el a ricibi tabata special y un “di-stress” y kita tur e konopinan cu e no tabata sa mes cu e tabatin. Su experiencia ta cu e personal ta uno super profesional cu ta “pamper”e clientenan manera un baby. “E ta un tratamento cu mi por conseha tur hende pa haci. Pensa riba bo mes y haci uzo di un di e tratamentonan cu Rejuvenate Medi Spa ta ofrece, kitando tur e konopinan cu bo ta recoge na caminda cu tempo. Unabes bo elimina nan bo ta sinti bo mes manera un persona “nobo” atrobe,”e reportero di Tele Aruba a expresa. Rejuvenate Medi Spa, situa riba e caminda di Boegoeroei ta ofrece un variedad grandi di tratamento pa curpa, tanto pa hende muhe como hende homber. Camarografo di TeleAruba Cornel Djaoen ta un di e hende hombernan di prensa kende tambe a wordo mal cria y a haya un massage di full curpa. “E masahista no tabata mustra un persona cu por tin asina hopi forsa den su dedenan y mi por bisa cu tur e musculonan y areanan stijf cu mi tin a los y mi a keda completamente relaha. Mi por bisa cu danki na Rejuvenate Medi Spa e Dia di Prensa a bay den forma relahante.” Rejuvenate Medi tin diferente tipo di massagei cu por yuda pone e mente y curpa den balans cu otro, specialmente pa esnan cu ta hiba un bida hopi agita, door di un trabou basta pisa. “Nunca ignora e señalnan di bo curpa y na Rejuvenate Medi nos a experencia cu nan ta e expertonan pa yuda un persona relaha,”e Camarografo a bisa. Gerente di e popular Spa, Diana Herrera, a splica cu nan a haya e fecha di prome di September, Dia di Prensa, uno cu nan por a haci algo special pa e grupo aki, cu su miembronan ta conoci como personanan cu ta traha hopi ora largo y den situacionnan tin biaha di hopi stress. Esaki tabata e momento adecuado pa laga nan cera conoci cu e servicionan cu nos ta brinda, no solamente dunando nan un splicacion pero door di “pamper”algun di nan y di e forma aki experencia personalmente con relaha un cliente ta sali despues di pone nan mes den man di e profesionalnan di Rejuvenate Medi Spa. “Nos tin servicionan manera manicure, pedicure, facial massage, body massage y hopi mas. Nos tabata kier pa nan relaha un poco y kita e stress di e dianan duro di trabou,” Diana a splica.E empresa ta consisti di dos seccion. Tin e area di Spa unda cu por relaha y haya tratamentonan pa man, pia, cara y massage. Y tin e area cosmetico cu ta uno unda cu ta concentra riba bahamento di peso, tratamento di cara, “wrinkles”, waxing, “laser hair removal”, etc. E ta un area hopi amplio cu diferente tipo di servicio,” sra. Herrera a expresa. El a gradici tur e miembronan di prensa pa e cooperacion cu semper ta haya di miembronan di prensa y a felicita nan riba nan dia.

Comments

comments