Reixon Maduro ta su nomber y for di mas chikito e ta fiha con su tata Markkeys Music ta graba diferente artista den su studio cu y den diferente genero. Semper ta wak su tata ta traha cu su computer y piano entre otro su dilanti.
Ta mas cu logico cu’e stimulacion pa musica y canto ta bin c’un coriente fuerte na su direccion.
E biaha aki un dia e la lanta su tata pa traha y graba un tema p’e por canta. Awel, e dia a yega pa presenta e hoben cantante Reixon Maduro n’e mundo musical, c’un cancion di Fin di aña, temporada cu e mes personalmente ta fascina cune.
Reixon sin duda su inspiracion y motivacion ta bin tambe dor di su ruman nan cu ya caba a yega di graba tema nan di fin di aña cu porcierto ta exponi riba YouTube.
Reixon ta un hobencito di apenas 8 aña bishitando Scol Basico ‘Colegio San Jose’ ya caba e ta den 3de Klas y ta alumno di Juff. Aura.
Manera tur mucha e tin e tin un soño pa ora e bira mas grandi y esaki ta p’e forma parti di e team di NASA como ‘astronauta’, ya caba e la yega di sinta combersa cu Dr Edward Chueng personalmente y e topico di combersacion tabata mas cu logico e planeta nan di cual Dr Edward Chueng a keda hopi soprendi pa su conocemento planetario amplio cu e ta domina.
Cu e tema aki di fin di aña cu ta un composicion di Danilo Vrolijk y cu e produccion musical plus grabacion den su totalidad tabata den man di su propio tata esta dii su propio Mark Maduro (Markkeys Music) cu e colaboracion di entre otro Giliane Wester, Re-ianne Del Valle (su mama), Evelyn Maduro (Tanta Grandi), Ashmaily Maduro (Ruman), Marly Maduro (Ruman) y e propio Reixon Maduro den e liña di coro.
E bahista pa e produccion aki tabata Dwight Leoneta [Buleria], mester sen1ala si cu e tema aki ya caba a ser distribui na tur radio station y aki un par di dia esaki ta riba por youtube tambe. (foto:suhaila alders/ art:megan)
