Reino Uni ta prohibi publicacion contra vacunacion di yiu riba Facebook

0

E publicacion ta mustra un imagen di un menor cu a fayece y ta forma parti di un iniciativa anti vacuna di Merca.

E Autoridad pa Standard di Publicida di Reino Uni (ASA na Ingles) a establece cu no por publica riba Facebook un anuncio cu ta adverti e mayornan di cu vacuna por mata nan yiu, segun The Independent.

Dia 7 di november, e organismo a determina cu e declaracionnan di e campaña di e grupo Mericano Stop Mandatory Vaccination (Stop cu vacuna obligatorio) ta carece di fundamento y ta manipula e publicidad.

E anuncio di e organismo aki tabata indica: “Mayornan, no ta cualkier vacuna duan na un mucha na cualkier edad por mata bo yiu, sino cu si e tragedia impensabel aki tuma luga, dokternan lo descarta e morto como “wiegedood”.

E publicacion tambe ta mustra un baby cu wowonan cera y e texto Owen Matthew Stokes (18 di augustus 2017- 25 di october 2017).

Mama di e mucha a keha di e publicacion aki, sigurando cu e afirmacionnan tabata un “engaño” y a argumenta cu lo mas probabel ta cu e ta causa un “angustia innecesario”.

Ora cu ASA a tuma contacto cu Larry Cook, e activista Mericano tras di e campaña, e homber a indica cu e Departamento di Salud di Merca tin registra 4 biyon dollar paga na indemnisacion y 6122 demanda pa daño of morto causa door di vacunanan den e ultimo 30 aña.

Sin embargo, e entidad Britanico a determina cu “e pruebanan no ta demostra cu tur e vacunanan ta capas di causa morto infantil” y a establece cu e imagen di un mucha morto “por causa molester” na e lectornan, pa cual a prohibi e anuncio aki di bolbe wordo publica den su formato actual.

 

Comments

comments