LONDON, Inglatera – Reino Uni legalmente por laga Union Europeo (UE) sin abona placa algun den caso cu no tin acuerdo den e termino di e dos añanan di negociacion cu Brussel, un informe conclui for di e Chamber of Lords cu a keda difundi awe.
E subcomision parlamentario di asuntonan financiero di Union Europeo ta afirma cu Reino uni lo ta den un posicion legal “fuerte” si e plazo aki caba sin un acuerdo entre ambos parti, aunke ta adverti cu e ta eludi e compromisonan economico cu lo subestima e opcionnan di yega na un bon pacto comercial cu e resto di e paisnan miembro, Efe a cita.
“Aunke cu tin interpretacionnan contradictorio, nos ta conclui cu, si no yega na un acuerdo, henter e legislacion di Union Europeo – incluyendo e clausulanan relativo di e contribucionan financiero y e makinaria pa su adhudicacion – e lo stop di aplica,” e lordnan ta sostene.
Como consecuencia, “Reino Uni no lo ta mara na ningun obligacion legal di haci cualkier contribucion financiero,” nan ta añadi.
“E situacion aki no lo ta deseabel pa e resto di e estadonan miembro, cu lo tin cu dicidi con pa cubri e buraco den e presupuesto laga pa e salida di Reino Uni di Unino Europeo sin ningun tipo di transicion,” nan ta splica.
E subcomision ta adverti no obstante cu ta enfoca tambe “lo daña e perspectivanan di alcansa acuerdonan amistoso den otro asuntonan” cu paisnan comunitario.
E prome minister Britanico, Theresa may, tin premira activa e mesun luna aki e articulo 50 di e Tratado di Lisboa, cu lo duna inicio na e periodo di dos aña di negociacion cu Brussel.
Fuente: El Universal