Reino Uni su Eden Proyect, cual ta wordo yama e cas di e selva tropical interior mas grandi di mundo, tin planea pa habri ocho mas rond mundo.
E biodomoe den sur di Inglatera a atrae 19 miyon turista desde cu el a habri su portanan na 2001. Awo, su creadonan a propone pa construi sitionan similar na China, entro otro luganan.
E Proyecto di Eden a wordo construi ariba un buraco di klei di e tamaño di 30 veld di futbol y ta consisti di dos dome transparente y gigantesco, conoci como biomes, cu ta alberga 3 mil especie di planta. E eco parke, cerca di St. Austell, Cornwall, a habri su portanan 16 aña paga pa educa hende ariba sostenibilidad y e medio ambiente.
Debi na e exito na Reino Uni, su creadonan a anuncia plannan pa mas sitionan manera esaki. Un di e promenan lo ta na e ciudad costero di Qingdao, China.
E ta planea pa habri na 2020, e sitio na China lo wordo construi ariba un luga ecologicamente daña cu tabata wordo uza inicialmente pa produccion di salo y cultivo di shrimp.
“Na Qingdao nos lo concentra ariba awa y hende”, David Harland, CEO di Eden Project International.
“E storia di awa ta claramente un di e problemanan global pa siglo 21 y probablemente siglo 22 tambe:, segun David Harland.
“Ta solamente ora di conta e historianan cu e concentra ariba e abundancia di awa, e escasez di awa y e calidad di awa cu nos por logra pa e hende cuminsa pensa ariba asuntonan global”, Harland a agrega.
Eden Proyect tin planea pa construi otro luganan na Australia y New Zealand.