Recientemente durante di e “High Level Political Forum” di Nacionnan Uni cu a tuma luga na New York, cu tabatin como tema ‘decentralizing energy ’relaciona cu e metanan sostenibel.
Importante pa menciona ta cu den e sesion tabatin diferente Pais cu hopi interes manera Kenya y Sur Africa cu a trece dilanti diferente puntonan di nan comunidad cu nan ta experencia riba un nivel micro y tabatin hopi interes pa e situacion di Aruba entre otro. No obstante cu e Paisnan por ta diferente rond mundo, a ripara cu tabatin hopi similaridad pa locual ta e reto di accesibilidad, y accesibilidad na informacion corecto.
Aruba a duna diferente ehempelnan di retonan actual cu nan ta trahando riba dje pa ta exitoso pa locual ta e tema di energia renobabel y a enfatisa e importancia di envolvemento di comunidad y actornan importante den e proceso aki. Reino a wordo representa pa Aruba door di sra. Indra Zaandam y e panelistanan cu tabata presente di otro organisacionan y miembronan di Hulanda tabata sumamente contento cu e representacion aki y e enfoke riba e aspecto di comunicacion y enfoke riba e aspecto humano cu a wordo treci dilanti di parti Aruba. Di e forma aki a conclui e sesion bisando cu tur tema, no obstante si ta e tema sostenibel 7, 1 of 8, tur tema mester tin e aspecto di ser humano central y esaki a wordo treci dilanti cual a wordo elogia.