Un reina di beyeza Irani kende a pasa casi dos siman den aeropuerto internacional di Manila ta bisa cu nan lo mate si e regresa su pais y ta buscando asilo na Filipinas. Bahareh Zare Bahari, kende a participa den e reciente competencia reina Miss Intercontinental na Manila, a bisa cu miembronan di Gobierno di su pais kier “sera su boca” debi na su reciente declaracionnan publico encontra di Gobierno. Den un comunicado di prensa siman pasa, e Departemento di Imigracion di Filipinas a bisa cu e agencia di polis internacional “Interpol” a emiti un solicitud mundial pa detene Bahari, kende ta wordo busca mundialmente. E comunicado no ta specifica cual pais ta pidiendo e detencion aki, pero t’asina cu esaki a wordo pidi pa Iran den aña 2018. E reina di beyea a bisa cu e ta bibando den e sala di pasaheronan di terminal 3 di e Aeropuerto Intermacional Ninoy Aquino di Manila desde cu el a yega for di Dubai 12 dia pasa. “Mi ta realmente malo mentalmente”, asina e reina di beyeza a bisa. E reina ta kere cu e ta wordo ataca dor di apoya e jiu di Shah di Iran, Reza Pahlavi kende ta bibando den exilio.