Siman pasa tabata tin un situacion cu a presenta na KIA, unda cu por a wak ariba rednan social tabata tin potretnan di un detenido cu a publica esaki. Minsiter Andin Bikker ta amplia.
Si wak cu na Zaanstaat un di e prizonnan mas nobo y mas grandi di West Europa na Hulanda, tabata tin un situacion similar. Siman pasa na Heerhugowaard, Hulanda, tambe cerca di Amsterdam tabata tin un situacion similar, y aki na Aruba, e no ta algo singular.
A tuma pasonan di biaha hunto cu e K9 team a bay over na search e celnan, unda a haya telefonnan celular y ta bezig e.o cu ayudo tecnologico pa por detecta na un tempo record, ora cu tin tipo di aparatonan aki den prizon, cu pa un motibo of otro cu por pasa door di e scanning. Esaki ta pasa regularmente na otro prizon.
Aña pasa den un bishita di trabao, a bishita e prizon den su concepto esun mas nobo di West Europa na Zaanstad, caminda cu eynan tambe, lamentablemente ta wak cu no obstante cu tin artefactonan y scannernan sumamente moderno y nobo, toch hopi biaha no por evita cu un of otro manera celular ta drenta.
Hopi biaha ora di tene e razzia den e celnan no ta bay den publicidad cu esaki, ya cu constantemeente ta tene razzia den esakinan, udna cu hopi artefactonan ta tuma luga. Pero awo cu esaki a tuma luga, a bolbe tene un razzia rapido, y un medida disciplinario a wordo tuma contra di esun cu a publica esaki.
Den e prizon nobo cu lo bay traha, cu ta un di e puntonan di su maneho, lo bay zorg cu ayudo di metodonan tecnologico, pa cu tipo di casonan aki, wordo minimalisa y reduci te cu 0, te unda cu por, ya cu e ta keda un reto constante, segun e mandatario encarga cu husticia, Sr. mr. Andin Bikker.