Diahuebs mainta, Elvis Weert a haci su re aparicion den prensa, unda el’a acudi na conferencia di prensa di Gobierno pa asina cubri y raporta pa e portal Masnoticia pa loke ta conferencianan di Gobierno
Momento cu Elvis a wordo gespot den e conferencia, mesora el’a causa reaccion cerca entre otro e reportero Arien Rasmijn.
A cuminza un debate publico cu a kita tur atencion di loke ministernan a papia, pasobra e topico a bira cu Elvis Weert ta presente den e conferencia.
Algun a puntra: Ken a lag’e drenta? Ki mishi Weert trahando bek den prensa?
Poco rato despues di e polemica, Sr. Weert a kibra silencio riba su Facebook unda el’a publica un carta di buena conducta cu el a haya di Ministerio Publico, mustrando asina cu no tin ningun issue contra su persona.
Ademas Weert a informa tambe cu e no ta trahando pa e medio Solo di Pueblo.
Tambe el a pone un reaccion unda e ta bisa di ta inocente y ta rechasa energicamente tur alegacion den su contra relaciona cu abuso sexual o di pedofiel, di a mishi cu’n mucha.
Segun nos por compronde cu e keho di un hobencita, nunca a wordo entrega, pa e mes motibo cu no tin nada cu a sosode. Tur cos ta draai rond di problemanan familiar cu a escala te ne nivel aki, unda segun famianan a informa cu e hobencita kier mira Weert leu di su mama pa asina e mama bin cerca dje. E ruman mes cu a bay warda entrega denuncia lo a bay na otro ruman yora y lamenta cu loke ela haci cu su ruman Weert e ta lamenta con e periodista tabata forsanan di papia contra Weert pa e haci e notcia sin sa cu e hobencita no tin ningun denuncia a haci y nada di mishimento.
Departamentonan concerni no a para keto y nan a laga verifica e alegacionnan haci.
Ta parce awor cu hopi persona kier hunga huez y condena Elvis Weert, sin worry cu nada mas!
Weert a skirbi: Finalmente mi kier bisa ku e alegacionnan/acusacionnan den mi contra no ta basa riba berdad y mi te refuta esakinan energicamente. Mi ta inocente di tur acusacion y mi ta keda inocente te dia mi wordo sentencia pa huez. Mi ta lamenta cu tin hopi hende na Aruba cu ta condena hende sin nunca mi a wordo condena pa un huez. Mane mi a bisa………, cu esaki mi ta sera e capitulo aki di mi bida.