Diaranson marduga tabata tin un reglamento di cuenta na un cas na Casibari. Un par di persona lo a yega den un Hyundai Getz orañe y dal cu e auto den un otro auto Toyota Tercel shinishi staciona na e cas y pone bai dal riba e cura y bashe abou. Despues di e destruccion nan a bandona e sitio. Mas despues un patruya ta topa cu e Hyundai Getz riba caminda dilanti Tinashi y ta para e auto pa un control. Den e auto ta haya 2 dama y 2 homber den e auto. Polis a constata cu esei mes ta e auto cu a comete destruccion na Casibari y polis a detene tur cuater persona. Mas despues polis a haya informacion cu e auto a wordo horta na un cas den caya Avenida Milo Croes. Polis a tuma tur dato y denuncia y a tuma e auto tambe den beslag pa mas investigacion.