Registra proyecto pa ARUBA DOET 2019 AWO!

Bon Aña! Nos a drenta aña 2019 y esaki ta nifica cu no falta mucho mas pa e di shete edicion di ARUBA DOET. Pa motibo aki, organisacion social tene na cuenta cu bo tin chens te cu Diabierna awo, 11 di Januari 2019, pa entrega un proyecto pa ARUBA DOET 2019. No perde e oportunidad aki, pensa cu bo team ki proyecto boso lo kier completa den un fin di siman cu ayudo boluntario. E proyecto no tin pa ta complica. Pensa riba un proyecto interactivo, creativo, impactante y facil pa completa. Ta importante cu si, pa completa e proyecto cu ayudo boluntario, riba e fechanan di ARUBA DOET (15 y 16 di Maart) y cu e sosten financiero di Awg. 1.100,- . Asina ta, pura haci lihe y bay riba nos website, www.arubadoet.com, crea un profil como organisacion social y registra e proyecto awo.

Tambe, si bo organisacion social a registra su proyecto na tempo, prome cu 20 di December 2018, Pabien! Tur boluntario cu bay duna un man pa completa bo organisacion su proyecto lo haya un dushi y refrescante triet for di un di nos partnernan orguyoso di ARUBA DOET, Pico-Bello. Great toch?!

Si tin cualkier pregunta of si mester asistencia cu bo proyecto tuma contacto cu e team di ARUBA DOET na 582-7666 of manda un mail na [email protected]

Comments

comments