Fundacion, scol, institucion di cuido, centro di bario, grupo di scouting, grupo di bario y club di deporte atencion! Completa un trabou y riba dje recluta boluntario pa bo organisacion durante e dianan di ARUBA DOET. Bo tin oportunidad te cu 23 di Januari 2017 pa registra un trabou riba nos website www.arubadoet.com y aplica pa un sosten financiero di Oranje Fonds.
ARUBA DOET lo tuma lugar riba diabierna 10 y diasabra 11 di Maart 2017. Oportunidad perfecto pa renoba e cantina di bo club di deporte, sali keiro cu grandinan, conta storia na muchanan den bario, pinta weganan riba e speelplaats di scol, traha cashi pa warda buki y mucho mas!
Bo kier sa con bo organisacion por participa cu ARUBA DOET 2017? Con pa organisa un trabou exitoso? Of bo mester ayudo pa registra un trabou? Bo ta keda cordialmente invita pa nos Workshop cu lo tuma lugar diamars 13 di December 2016 na Mon Plaisir College Mavo di 6:30 pa 8:30 di anochi. Asisti na e workshop y haya idea, tips, ayudo y sugerencia pa bo proyecto di ARUBA DOET.
Pa mas informacion tocante ARUBA DOET y e workshop tuma contacto cu e team di ARUBA DOET na t: 5827666 of manda un e-mail na e: [email protected]
ARUBA DOET ta e evento boluntario mas grandi na Aruba y ta wordo organisa pa CEDE Aruba den cooperacion cu Oranje Fonds.
Nos ta On! Abo tambe?