Reforma Fiscal lo pone personanan cu mas entrada paga mas belasting

0

Algun siman atras parlamento a haya informacion, cu gobierno lo ta dunando presentacion na diferente stakeholder, pa un presentacion tocante e Reforma Fiscal. A pidi presidente di parlamento pa yama e minister di Finanzas pa bin duna un presentación na parlamento, pero esaki no a wordo honra. Sr. Richard Arends, miembro di Parlamento pa fraccion di AVP ta amplia.
Pero si parlamento a haya un invitacion pa un presentacion na Marriott Hotel, cual e fraccion di AVP a protesta ya cu nan ta haya cu esaki no ta manera. Asina ey no por hiba un debate, manera den parlamento. E invitacion ta mas bien un monologo unda ta presenta e reforma fiscal.
Parlamento di Aruba ainda no a haya nada, niun concepto di ley. Unico ley cu nan a haya ta e presupuesto 2019. Pero esaki no ta contene nada di un reforma fiscal. Dus, esey ta yena e fraccion cu duda. E ta conta tanto pa oposicion pero tambe e comerciante, y e trahado independiente, cu no sa kico ta sper’e dia 1 di januari.
Loke a analisa ta cu lo baha Inkomstenbelasting cu Loonbelasting, pero den liñanan grandi, pa cada categoria ta un reduccion di 20 fl, 50 fl, 60 fl, etc. Tur categoria ta baha berdad. Pero e aumento di mas halto ta e aumento di grondbelasting. Esaki a wordo cambia substancialmente. Antes tabata paga 0.4% ariba e balor di e leggerwaarde. Aworaki ta bin un schaal entre 0.2 pa 0.6%. Pero no ariba e leggerwaarde, pero 80% di e balor di mercado, ta bay pa e base di e tarifa nobo, pa loke ta trata Grondbelasting. Esaki no ta afecta solamente esunnan cu tin un cas, pero si wak esun cu tin un entrada medio, e tournan, esunann cu tin trabao, cu tin dos auto. Esaki lo wordo afecta den nan poder di compra. Vooral comercio. Hopi biaha ta perde esey di bista. Tur edificio tin un balor di mas di 750 mil florin.

Tur cos cu tin ariba e tereno, tur loke ta duna bo cas balor ta bay ta e base pa grondbelasting. Si compara un persona cu tin un entrada di 5 mil florin, kisas e ta bay dilanti den su inkomstenbelasting cu 60 florin, pero ta paga mas na grondbelasting. Pero tambe e comerciante, e balor di su propiedad di un cas, lo bay tin gastonan adicional. A amplia e base di BBO, unda cu ta duna tambe cualkier persona cu ta huur un appartment, sea ta comercialmente of no ta haci’e comercialmente, bo ta wordo considera un empresario y lo mester paga BBO pa esey. Sr. Richard Arends a sigui bisa cu esaki ta bay tin su consecuencianan. E crecemento economico ta bay ta hopi abao. Papiando di crecemento negativo pa e aña cu ta bin, y sigui asina, tambe e poder di compra. Ta bay ta hopi mas caro pa tin un propiedad tambe. Si un persona cu durante aña a traha ariba su cas, despues di algun aña, a pone un bbq pit, cura y a pone un appartment, lo bay haya un aanslag hopi mas di loke tabata paga anteriormente. Pa loke ta compensacion cu lo por bin pa asina balansa ( si tin), pero Sr. Arends ta di opinion cu e compensacionnan ta minimo. Ta bay baha Loonbelasting, pero e compensacion no ta bay ta mas grandi cu 90 fl pa luna. E no ta balansa ariba e gastononan personal cu’n persona ta bay tin. Por ultimo, Sr. Arends a sigui bisa cu e lo trece consecuencia, ya cu e lo bay afecta esunnan cu tin mama y tata ta traha, un famia di 4, famia mediano, cu ta traha, cu tin auto, cu tin un fondo di spaar, nan ta esunnan cu ta wordo afecta mas ainda. Sin embargo ora ta bay toca e trahado independiente, su gastonan di operacion ta bay aumenta. Esaki tambe lo wordo pasa bek pa esun pa tur hende eigenlijk. Sea cu mas of cu menos entrada, ya cu e prijsnan cu ta bay cobra, lo ta bay ta mas halto.

Comments

comments