ROMA, Italia – E tendencia cu ta mustra e escrutinio oficial di e votonan deposita den e referendum riba e reforma constitucional na Italia, ta confirma e derota di e prome minister, Mateo Renzi, apunta den e prome sondeonan na pia di e urna.
Segun e datonan di e minister di Interior, e “no” a wordo haya 45 minuut despues di ciere di e urnanan cerca di un 60% di e votonan scrutina, mientras cu “si” tabata yega cerca di 39%.
E datonan ta ekivale na mas of menos 320.800 voto en contra di e reforma constituciona proponi pa e Gobierno di Renzi y mas of menos 210800 na fabor.
Den e referendum tabata convoca pa vota riba e reforma aki algo mas di 51 miyon di ciudadano Italiano.
E “no” lo a vence den e referendum segun e sondeo di e canal publico di television, RAI, cu a indica cu e “no” por gana cu un minimo di 54% di e votonan y un maximo di 58%, mientras cu e grupo priva Mediaset a situa e victoria di “no” riba un minimo di 55% y un maximo di 59%.
E datonan di e ministerio di Interior Italiano ta indica cu e participacion a alcansa den e conhunto di e teritorio Italiano, 68,99%.
Prome Minister Italiano ta retira despues di derota
Matteo Renzi, a anuncia cu dialuna e lo presenta su retiro na presidente di e republica, Sergio Mattarella, tras su derota den e referendum.
E hefe di Gobierno a haci e anuncio despues di a reconoce den e sede di e ehecutivo cu “no” a vence” den e consulta riba e reforma constitucional cu nan a propone.
Fuente: NTN24