Gobierno ta bin cu e medida pa prohibi e uzo di materialnan di plastic, pa cual Sr. Castro Perez di Reef Care Foundation ta bisa cu e fundacion.
Sr. Perez ta mustra cu e medida aki ta positivo pa cuminsa para e uzo di sunblock riba beachnan cu ta contene kimico cu ta haci daño na e coralnan. Otro materialnan manera cahanan di foam tambe ta un problema cu hopi hende tabata keha di dje pa hopi aña caba y e plasticnan “single-use” manera cupnan, cual sea biento of hende ta tira den lama. Locual e fundacion ta sugeri ta pa Gobierno bin cu un campaña di conscientisacion pa mantene tur hende debidamente informa durante e aña aki y henter e siguiente aña. Esakinan lo ta un periodo cu lo wordo dedica na informa e comunidad cu e productonan aki lo no ta permiti mas. Esaki ta locual a sosode cu e saconan di plastic cu actualmente hendenan mester hiba nan mesun saconan pa bay haci compras na supermercadonan. Tur esaki Sr. Perez ta sinti cu lo contribui mas na e limpiesa di Aruba su medio ambiente.
Adicionalmente, Sr. Perez ta mustra cu aunke mester pone mas bari na puntonan clave di e beachnan, comunidad mester wordo conscientisa pa hiba tur nan desperdicionan cu nan y deposita nan den nan mesun barinan di cas den e caso cu no tin un bari disponibel e momento ey. Asina tambe ta evita pa tira e desperidicionan den naturalesa.