Reduci stress den bo bida diario cu remedinan natural

Stress ta un di problemanan mas grandi den personanan cu ta hiba un vida acelera. Awendia e preocupacionnan ta bin den abundancia, cual ta hiba e persona na un vida di mal nutricion, malesa y cierto factornan for di cual por deriva un aumento progresivo di e nivel di stress.
E problema cu e incoveniente aki ta cu stress ta libera un hormoon cu por provoca varios problemanan di salud. Esun mas frecuente y peligroso ta e aumento di e presion sanguineo. Ora di combina e nivel di stress hopi halto cu mal custumbernan den e vida diario, e resultadonan ta devastador.

E aumento di e presion sanguineo ta provoca problemanan den e sistema circulatorio, ocasionando dañonan importante den e adernan y ta promove malesanan di curason. Akinan nos ta splicabo un poco mas tocante e malesa aki, su factor di riesgo y remedinan natural mas adecua.
Esakinan ta e causanan principal cu ta provoca presion halto y e miho manera di trata esaki.
E factornan di riesgo principal cu ta aumenta cu mas y mas hende ta sufri di e malesa aki ta:
– Stress cronico
– The Pill
– Remedi contra inflamacion
– Problema cu ader
– Problema cu riñon
– Diabetes
– Problema cu alcohol of sigaria
– Inactividad fisico
– Obesidad
Pa trata e malesa aki no por recuri na algun yerba natural, hopi economico. Posiblemente nos conoce y tin mas di un di esakinan den nos cas:
– Oregano: e ta conta cu’n mescla yama ‘carvacol’ cu ta hopi efectivo na momento di calma e ritmo cardiaco y reduci e presion di sanger cu ta pasa den nos adernan.
– Valerian: Esaki ta un trankilisante natural cu ta relaha e musculonan y ta controla e presion te na e punto di duna un bon anochi di descanso. Si bo ta bebe tur dia, e ta reduci e stress, te cu e ta disparce.
– Basil- E tin propiedadnan anti stress cu ta permiti di regula un variedad amplio di funcion y cambionan kimico. Promoviendo e circulacion sanguineo adecua, e ta haci e sanger limpi y ta mantene e nivel stabiel.
– Lavanda: Realisando un massage cu azetanan esencial di e planta aki, ta permiti e presion baha na un manera mas efectivo cu cualkier pildo. Su propiedadnan ta expande e adernan.
– Passiflora: Un mata aromatico cu ta reduci e ansiedad y presion sanguineo. E ta wordo uza cu menos regularidad cu Valerian pa sigura un bon soño, pero su propiedadnan ta similar. E ta baha e nivel di stress y ta controla e presion sanguineo.
Haci bon uzo di cualkier di e yerbanan den bo vida diario y cuminsa preveni malesanan cardiaco prome cu ta demasiado laat.

Comments

comments