Minister di Salubridad Publico, Sr. Dangui Oduber, ta splica tocante e plannan pa baha gastonan di AZV cu cooperacion di e director nobo.
E director nobo di AZV ta cuminsa entrante 16 di Augustus. E Minister ta expresa aspectonan positivo di e director nobo y ta confia riba su cooperacion pa encarga cu cierto presionnan manera e gastonan di AZV. A combersa cu e director nobo tocante un plan pa mira unda tin espacio pa reduci gastonan y mehora e servicio cu AZV ta brinda na comunidad di Aruba. Mester tene na cuenta tambe cu ora tin un asegurado nobo, e por costa e empresa placa pero e ta contribui na pagando e Prima di AZV. A haci un estudio, segun e Minister, cu ta mustra cu e aseguradonan nobo ta paga mas di loke nan ta costa. No obstante, nan ta trahando riba un plan cu e Minister ta sinti cu e director nobo tin e capacidad pa haci’e.
Minister Oduber ta mustra cu nan ta evaluando casonan unda cu pashentnan ta wordo cubri pa añanan largo pa enfermedadnan cu kisas no tin cura. Esaki ta costonan adicional cu ta pisa riba comunidad di Aruba. E Minister ta confia cu AZV por traha di forma mas eficiente pa reduci e costonan aki.