RED: Reconocimento di Minister Dangui Oduber pa parlamentario Ricardo Croes

Directiva di Red Democratico por a tuma nota di declaracionan di colega di coalicion minister Dangui Oduber referiendo na e culminacion pa legalisacion di uso, cultivacion y procesamento di cannabis medicinal.

E tratamento di ley ta den porta pa wordo trata den Parlamento.
Nos ta gradecido y contento pa e reconosimento di parti colega Oduber cu esaki ta un vision cu Red Democratico a carga den representacion digno di nos lider sr. Ricardo Croes y nos ta sumamente orguyoso di nos lider y su empeño incansable pa a logra realse di e vision aki! E lucha incansable pa a trese e vision aki na mesa den formacion di gobierno y pa a logra pa otro partidonan a carga e vision aki hunto cu nos y ancra esaki den e acuerdo di gobernacion. Pa asina brinda nos pueblo acceso y libertad di scohe medicina alternativa (remedi di tera) y tambe pa medio di esaki crea diversificacion di nos economia.

Red Democratico ta desea di gradici tur sostenedor di e causa cu a keda kere den nos lider y lider di fraccion ReD den parlamento y cu a keda sostene, keda kere den dje y a brinda palabranan di encurashamento den e momentonan dificil durante e bataya den e systema.

Awe nos ta un paso mas serca y lo nos keda den espera pa tratamento di e ley den Parlamento di Aruba. Pa asina segura tambe cu e leynan cu a wordo crea dor di nos colega encarga cu e ehecucion y su team ta den bienestar di nos pueblo y nos hendenan.
Cu e leynan lo brinda oportunidad cu preferencia pa nos cultivadornan local y brinda nos pueblo e oportunidad pa cultiva nan propio remedi. Y cu e leynan brinda nos hendenan e proteccion necesario pa por forma parti di e industria cresiente aki.

Lo nos sigi lucha pa e visionnan cu nos partido ta carga den interes general di nos pais y asina sigi sirbi nos pueblo.

Comments

comments