MADRID, Spaña- Medio centenar di persona a wordo deteni den 15 diferente pais, den un operativo conhuntamente cu Polis Nacional Spaño, Interpol y Ameripol. Forsanan di Siguridad asina a desmantela un red di distribucion di pornografia infantil cu tabata difundi imagennan di menornan di edad ariba Whatsapp.
Segun informenan, 11 detenido ta di nacionalidad Spaño, mientras cu e 39 restantenan ta distribui entre Bolivia (7), Colombia (7), Chile (4), Brasil (3), Costa Rica (3), República Dominicana (2), Guatemala (2), México (2), Paraguay (2), Uruguay (2), Venezuela (2), Nicaragua (1), Panamá (1) y por ultimo, Italia (1).
E investigacion a cuminsa ora cu a logra na tap un yamada ‘Deep Web’, un link di Whatsapp cu ta permiti polisnan haya e red. Den e razzianan realisa, polisnan a logra confisca hard disk, computer y telefonnan celular. Entre e filenan haya ta existi imagennan pornografico cu ta permiti polisnan di identifica e abusadornan y tambe e victimamanan.
Entre e detenidonan tin un homber di 47 aña di edad, cu a admiti di a abusa di su yiu muhenan di 6 y 15 aña pa despues comparti e videonan y potretnan riba Whatsapp.
Aunke algun di e miembroann di e red aki a bisa cu nan a “infiltra” pa descubri e integrantenan, esaki no a stroba polis di detene nan tambe. Esaki ta debi cu na Spaña, cualkier forma di pornografia infantil ta wordo considera un delito grave.
Fuente: www.actualidad.rt.com