Stress a converti den un di e malesanan di nos epoca, no solamente pasobra e ta afecta e estado di animo di esnan cu ta sufri di dje, sino pasobra cu e ta interferi den hopi aspecto di nos salud fisico y mental.
Su aparicion ta atribui na e estilo di bida agita y carga di obligacion, pero tambe por aparece pa via di enfermedad y situacionnan specifico.
Ta trata di un reaccion di e sistema nervioso cu ta manifesta cu cambionan evidente di humor, casi semper cu e tendencia na iritabilidad y depresion.
Ademas, hopi caso ta desencadena respuestanan fisico, incluyendo dolornan muscular, cefaleo y un fuerte sensacion di fatiga.
Pa suerte, su sintomanan por wordo controla di forma natural, mediante terapia di relahacion y consumo di algun remedi casero cu ta promove e sensacion di bienestar.
Na e ocasion aki nos kier comparti 5 bon opcion pa bo no duda den prepara nan ora cu bo sinti algun di e señalnan aki.
1.Batido di awacati
Awacati ta alimentonan hopi completo desde e punto di bista nutricional, dado cu nan ta aporta cu acidonan graso, aminoacido y vitamina y mineralnan cu ta yuda cumpli cu e rekerimentonan diario di e organismo.
Su propiedadnan ta util pa e control di stress, ya cu e ta aumenta e nivel di energia y ta mehora e actividad celebral cu ta regula e estado di animo.
Nutrientenan manera Omega 3, vitamina E y potasium, ta actua hunto pa stimula e segregacion di serotonina, conoci como e hormoon di felicidad.
Ingrediente
1 Awacati hecho
1 bacoba
1 cuchara di lijnzaad (simia di lino) 10g
1 glas di awa (200ml)
Preparacion
Extrae e pulpa di un awacati hecho y bati’e den un blender cu e bacoba, e simia di lino y awa.
Tras di obtene un bebida cremoso y homogeno, sirbi’e di inmediato.
Modo di consumo
Ingeri un glas di batido di awacati como parti di desayuno.
Prepar’e ora cu bo sinti stress of ansiedad.
2. Infusion di Rosemarijn
Rosemarijn ta un di e especianan cu ta wordo uza como remedi natural pa regula e actividad di e sistema nervioso y di e modo aki, ta controla stress y ansiedad. E ta conta cu propiedadnan antiinflamatorio y antioxidante cu ta yuda inhibi e efectonan negativo di e radicalnan liber riba e cel y e tehidonan.
Ingrediente
1 cup di awa (250ml)
1 cuchara di rosemarijn seco (10g)
Preparacion
Pone un cup di awa herbe y ora cu e ta herbi, agrega e rosemarijn seco.
Baha e candela y lag’e para 2 pa 3 minuut.
Despues, warda pa e reposa y col’e.
Modo di consumo
Bebe 2 cup di infusion di rosemarijn pa dia.
3. Juice di mango
Mango ta un fruta rico den vitamina B6 y triptofano, dos nutriente cu ta fortalece e sistema nervioso pa evita e crisis di stress y depresion.
Su concentracion di antioxidante y fibranan natural ta fomenta e bienestar di e organismo y ta apoya e eliminacion di toxina.
Ingrediente
1 mango hecho
1 glas di awa (200ml)
1 cuchara di honing (25g) (opcional).
Preparacion
Extrae e pulpa di un mango hecho y bati’e den un blender cu un glas di awa. Si bo ta desea e bebida un poco mas dushi, añadi un cuchara di honing.
Modo di consumo
Bebe 2 glas di juice di mango pa dia.
Bebe ante e prome sintoma di stress.
4. Thee di lechuga
Conoci pa su propiedadnan diuretico y depurativo, e thee di lechuga ta un bebida abao den caloria, cu a popularisa den henter mundo.
E ta contene vitaminanan A, C y E, ademas di acido folico y antioxidante, cu ta resulta clave den e prevencion y control di stress.
Ingrediente
5 blachi di lechuga fresco
3 cup di awa (750 ml)
Preparacion
Incorpora e blachinan di lechuga den un wega cu tres cup di awa y laganan herbe riba candela abao durante 5 minuut.
Ora cu e tempo pasa, warda pa e reposa riba un temperatura soportabel y beb’e.
Modo di consumo
Bebe 3 cup di thee di lechuga a lo largo di e hornada.
Bebe na yuna of si ta bon, den e prome manifestacion di stress.
5. Infusion di Mandarin
E infusion di mandarin ta un bebida citrico cu ta brinda e curpa un plus di antioxidante y vitamina cu ta promove e sensacion di bienestart.
Su consumo regular ta frena stress oxidativo y ta yuda mehora e estado di animo.
Ingrediente
1 cuchara di casca di mandarin rasca (10g) (tangerine zest)
1 cup di awa (250ml)
Preparacion
Rasca e casca di mandarin y tras obtene un cuchara, agrega den un cup di awa herbi.
Tapa e bebida y lag’e reposa mas of menos 10 minuut.
Modo di consumo
Bebe e infusion prome cu bo bay drumi of tambe, ora bo ta sinti stress.
Bo ta hayando demasiado stress den e ultimo dianan aki? Eligi cualkier di e remedinan recomenda y consumi nan como complemento di bo dieet pa asina confronta e problema aki.
Fuente: https://mejorconsalud.com